रास्वपाको मुख्य सचेतकमा बुर्लाकोटी, सचेतकमा परियार र धिताल

काठमाडौं, ३ वैशाख । राष्ट्रिय स्वतन्त्र पार्टी (रास्वपा) ले मुख्य सचेतकमा कविन्द्र बुर्लाकोटीलाई चयन गरेको छ ।

आज बसेको संसदीय दलको बैठकले बुर्लाकोटीलाई सचेतकमा चयन गरेको हो । बुर्लाकोटी गोरखा–२ बाट प्रत्यक्ष निर्वाचित सांसद हुनुहुन्छ ।

यस्तै रास्वपाले सचेतकमा प्रकाशचन्द्र परियार र क्रान्तिशिखा धिताललाई चयन गरेको छ । परियार र धिताल दुवै समानुपातिक प्रणालीबाट निर्वाचित हुनुभएको हो ।