मधेशका मुख्यमन्त्री यादवले गरे राजीनामा घोषणा

काठमाडौं, १७ मंसिर। मधेशका मुख्यमन्त्री सरोजकुमार यादवले विश्वासको मत नपाउने निश्चित भएपछि राजीनामा घोषणा गर्नुभएको छ।बुधबार बसेको प्रदेशसभा बैठकमा उनले राजीनामाको घोषणा गर्नुभएको हो ।विश्वासको मत लिनका लागि आज बिहान साढे ८ बजे नै प्रदेश सभा बैठक बोलाइएको थियो । यद्यपि मुख्यमन्त्री यादव आफैं उपस्थित नभएपछि बैठक स्थगित गरिएको थियो ।दिउँसो बसेको प्रदेशसभा बैठकमा उहाँले राजीनामा घोषणा गर्नुभएको हो ।
मुख्यमन्त्री यादवलाई २४ घण्टाभित्र विश्वासको मत लिन सर्वोच्च अदालतले सोमबार साँझ परमादेश जारी गरेको थियो ।