इराकबाहेक अन्य देशका लागि श्रम स्वीकृति खुला

काठमाडौँ, ७ वैशाख । इराकबाहेक अन्य देशका लागि श्रम स्वीकृति खुला गरिएको हो। वैदेशिक रोजगार विभागका अनुसार साउदी अरेविया, युएई, कतार, कुवेत, बहराइन, ओमान, इराक, यमन, जोर्डन, लेबनन, टर्की र इजरायल समेतका देशहरूमा श्रम स्वीकृति खुला गर्ने निर्णय भएको हो। श्रम, रोजगार तथा सामाजिक सुरक्षा मन्त्रालयमा आज बसेको मन्त्रिस्तरीय बैठकले गत फागुन १७ गतेदेखि अस्थायी रूपमा श्रम स्वीकृति स्थगन गरिएको देशमा श्रम स्वीकृति खुला गर्ने निर्णय गरेको हो। इराकबाहेक अन्य देशहरुको हकमा सबै प्रकारका श्रम स्वीकृती (व्यक्तिगत, संस्थागत र वैधानिकीकरण) पूर्ववत अवस्थामा हुने गरी खुला गरिएको विभागले जनाएको छ।