काठमाडौँ, १७ जेठ। प्रतिनिधिसभा बैठकका क्रममा राष्ट्रिय स्वतन्त्र पार्टी (रास्वपा) की सांसद आशिका तामाङ आक्रोशित रूपमा प्रस्तुत भएपछि उनकै पार्टीका सांसदहरूले बैठक कक्षबाट बाहिर लगेका छन् ।
प्रधानमन्त्री बालेन शाह ले आकस्मिक रूपमा सांसदहरूको प्रश्नको जवाफ दिएर बैठक कक्षबाट बाहिरिएपछि विपक्षी दलका सांसदहरूले नियमापत्तिको विषय उठाएका थिए । सोही क्रममा सांसद तामाङ आक्रोशित बनेकी थिइन् ।
प्रत्यक्षदर्शीका अनुसार सांसद तामाङ आफ्नो सिटबाट उठेर अगाडिको लहरतर्फ जान खोजेपछि रास्वपाकै सांसदहरूले उहाँलाई रोक्ने प्रयास गरेका थिए ।
रास्वपाकी सांसदहरू रञ्जु दर्शना, ज्वाला संग्रौला र भूमिका श्रेष्ठ लगायतले उहाँलाई शान्त गराउने प्रयास गर्दै रोक्नुभएको थियो ।
तर अवस्था सामान्य नभएपछि सांसद रञ्जु दर्शना र ज्वाला संग्रौलाले सांसद तामाङलाई बैठक कक्ष बाहिर लगेका थिए ।
घटनापछि केही समय सदनमा तनावपूर्ण वातावरण बनेको भए पनि बैठकको कार्यसूची भने अगाडि बढाइएको थियो ।
प्रतिक्रिया