काठमाडौं, २४ साउन । भक्तपुरस्थित उत्साहित सुधार केन्द्रमा ४४ वर्षीय उमेश खड्कीको मृत्यु भएपछि केन्द्रको अवस्था तनावपूर्ण बनेको छ।
प्रहरीका अनुसार खड्कीको सुधार केन्द्रमै मृत्यु भएको हो। उनको मृत्युको खबरपछि आफन्तहरू केन्द्रमा पुगेका थिए। आफन्तहरूले घटनाप्रति विरोध जनाउँदै सुधार केन्द्रमा ढुंगामुढा गर्न खोजेपछि प्रहरीले हस्तक्षेप गरेको थियो।
स्थिति नियन्त्रणमा लिन प्रहरीले सुरक्षा व्यवस्था कडा बनाएको छ। थप तनाव हुन नदिन सुधार केन्द्र आसपासमा प्रहरी परिचालन गरिएको जनाइएको छ।
घटनाको अनुसन्धानका क्रममा सुधार केन्द्रका केही कर्मचारीलाई प्रहरीले नियन्त्रणमा लिएको छ। खड्कीको मृत्युको वास्तविक कारण खुल्न बाँकी रहेकाले प्रहरीले घटनाबारे थप अनुसन्धान गरिरहेको जनाएको छ।
प्रतिक्रिया