रोल्पा, ५ चैत्र । परिवर्तन गाउँपालिका–५ का कक्षा ९ का विद्यार्थी उमित बुढामगरले घरेलु सामग्री प्रयोग गरेर बन्दुक निर्माण गरेका छन्।
बुढामगर, जो परिवर्तन गाउँपालिका–१, कुरेलीस्थित बाल कल्याण मावि उपबाङमा अध्ययनरत छन्, १५ वर्षका हुन्। उनले दुई हप्ताको मेहनतपछि आफ्नै बनाइएको बन्दुकलाई एम–१४ नाम दिएका छन्।
उमितले बन्दुक निर्माणमा प्रयोगविहीन सामग्रीको प्रयोग गरेका थिए। उनका अनुसार, बन्दुक मुख्य रूपमा काठ, फलामका पाइप, ब्याट्री र बाँसको जडान प्रयोग गरेर तयार गरिएको छ। उनले भने, “सलाइको काँटी प्रयोग गरेर बन्दुक पड्काउन सकिन्छ। यसलाई मैले चरा धपाउनका लागि बनाएको हुँ।”
घरेलु सामग्रीबाट बन्दुक बनाएपछि परिवर्तन गाउँपालिका–१ का वडाध्यक्ष मैते बुढामगर, विद्यालय व्यवस्थापन समितिका अध्यक्ष प्रवीणकुमार बुढामगर, प्रधानाध्यापक पूर्णबहादुर वली लगायत शिक्षक–शिक्षिका र सुरक्षाकर्मीले समेत उनलाई खादा र अबिर लगाएर बधाई दिएका छन्।
प्रतिक्रिया