जनकपुरधाम, ३० असोज । नेकपा एमालेले मधेस प्रदेश सरकारबाट समर्थन फिर्ता लिएको छ। एमालेबाट प्रदेश सरकारमा सहभागी चार मन्त्रीले शुक्रबार सामूहिक राजीनामा दिनुभएको छ।
एमालेले प्रदेश प्रमुख डा. सुरेन्द्रलाभ कर्णलाई समर्थन फिर्ता लिएको पत्र बुझाएको हो। नेपाली कांग्रेस र नेपाली कम्युनिस्ट पार्टीबीच प्रदेश सरकारको प्रभावकारी सञ्चालन, सुशासन, विकास निर्माण तथा जनहितका विषय सम्बोधन गर्ने उद्देश्यले भएको १५ बुँदे समझदारी कार्यान्वयन नभएको भन्दै एमालेले समर्थन फिर्ता लिएको जनाएको छ।
एमालेको तर्फबाट सरकारमा सहभागी भौतिक पूर्वाधार विकासमन्त्री मोहम्मद समीर, खेलकुद तथा समाज कल्याणमन्त्री लखन दास तत्मा, श्रम तथा यातायातमन्त्री शारदा देवी थापा र शिक्षा तथा खेलकुदमन्त्री मनोजकुमार सिंहले राजीनामा दिनुभएको छ।
एमालेले समर्थन फिर्ता लिएसँगै मधेस प्रदेश सरकारको राजनीतिक समीकरणमा परिवर्तन आएको छ।
प्रतिक्रिया