पाँच सयले बढ्यो सुनको मूल्य, चाँदीको भने घट्यो

काठमाडौं, २२ असोज । नेपाली बजारमा आज सुनको मूल्य बढ्दा चाँदीको भने घटेको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला दुई लाख ९२ हजार आठ सय रुपैयाँ कायम भएको छ ।

आज सुनको मूल्य प्रतितोला पाँच सय रुपैयाँले बढेको छ । बुधबार सुन दुई लाख ९२ हजार तीन सय रुपैयाँमा कारोबार भएको थियो । आज चाँदीको मूल्य भने घटेको छ । बुधबार प्रतितोला चार हजार ४२५ रुपैयाँ रहेको चाँदी आज ३५ रुपैयाँले घटेर चार हजार ३९० रुपैयाँमा झरेको छ ।