काठमाडौं, १८ साउन । अमेरिकी राष्ट्रपति डोनाल्ड ट्रम्पले इरानमाथि तय गरिएको ठूलो सैन्य आक्रमण अन्तिम समयमा रद्द गरिएको र सोमबार दिउँसोदेखि इरानसँग पुनः वार्ता शुरू हुने घोषणा गरेका छन् ।
न्युजर्सीको बेडमिनिष्टस्थित आफ्नो गल्फ क्लबमा सप्ताहन्त बिताएर एयर फोर्स वनमा फर्किने क्रममा सञ्चारकर्मीहरूसँग कुरा गर्दै राष्ट्रपति ट्रम्पले आक्रमणको सबै तयारी पूरा भए पनि मित्रराष्ट्रहरूको विशेष आग्रहमा युद्धविराम र सम्झौताको बाटो रोजिएको बताए । यसैबीच, इरानले भने अमेरिकालाई अघिल्लो समझदारी पत्रको पूर्ण सम्मान गर्न आग्रह गर्दै आएको छ।
ट्रम्पले शुक्रबार इरानमाथि एक विशाल आक्रमण गर्ने योजना बनाएको तर साउदी अरब, संयुक्त अरब इमिरेट्स ९यूएई० र कतार गरी तीन प्रमुख समूह ९राष्ट्र० तथा स्वयम् इरानबाट समेत आक्रमण रोकी सम्झौताको प्रयास गर्न तीव्र दबाब आएपछि कदम पछि हटाइएको दाबी गरे। आक्रमणको स्वरूप कस्तो थियो भन्नेबारे इरानले पहिल्यै थाहा पाइसकेको र अब वार्ताको टेबलमार्फत समाधान खोजिने ट्रम्पको भनाइ छ।
साउदी युवराज मोहम्मद बिन सलमानले पनि ट्रम्पसँग टेलिफोन वार्ता गर्दै युद्ध चर्किन नदिई तिक्तता कम गर्न आग्रह गरेको साउदी राज्य सञ्चालित समाचार संस्थाले जनाएको छ। यद्यपि, ट्रम्पले आक्रमणले ऊर्जा संरचनाहरूलाई निशाना बनाउँथ्यो वा बनाउँदैनथ्यो भन्ने प्रश्नको जवाफ दिन अस्वीकार गरे ।
ट्रम्पका अनुसार, अहिलेको मुख्य उद्देश्य हार्मुज जलमार्गको विषय र इरानको निशस्त्रीकरणसम्बन्धी एउटा स्थायी सम्झौतामा पुग्नु हो।
इरानी विदेशमन्त्री अब्बास अराक्ची र विदेश मन्त्रालयका प्रवक्ता इस्मायल बघाईले पनि सम्झौताको अन्तिम नजिक पुग्दै गएको र यसमा सकारात्मक गतिशीलता देखिएको संकेत गरेको सिएनएनले जनाएको छ ।
यद्यपि, जलमार्गमा शुल्क कसले असुल गर्ने, शुल्कको दर कति हुने, आवागमन एकतर्फी हुने वा दुईतर्फी भन्ने विषय अझै पूर्ण रूपमा गोप्य राखिएको छ।
गत जुन महिनामा युद्धको स्थायी अन्त्यका लागि दुवै पक्षबीच लडाइँ रोक्ने विषयमा एउटा समझदारी पत्रमा हस्ताक्षर भएपछि कूटनीतिक तहमा ठूलो सफलता मिलेको थियो। तर, हार्मुजको नियन्त्रण र सुरक्षालाई लिएर पुनः झडपहरू भएपछि उक्त समझदारी भंग हुन पुग्यो र अमेरिकी नाकाबन्दी तथा क्षेत्रीय द्वन्द्वले उग्र रूप लियो।
प्रतिक्रिया