काठमाडौं, २३ जेठ । इरानको फुटबल टोलीलाई अर्को हप्तादेखि हुने विश्वकपका लागि अमेरिका प्रवेश गर्न भिसा दिइएको अमेरिकी अधिकारीहरूले पुष्टि गरेका छन् । आउँदो जुन १६ मा लस एन्जलसमा हुने न्युजिल्याण्डसँगको पहिलो खेलको १० दिन अघि मात्र भिसा स्वीकृति दिइएको बीबीसीले जनाएको छ । यद्यपि, इरानी फुटबल संघले भिसा स्वीकृतिको बारेमा सार्वजनिक रूपमा टिप्पणी गरेको छैन ।
फिफा विश्वकप २०२६ जुन १२ देखि अमेरिका, क्यानडा र मेक्सिकोमा शुरू हुँदैछ । यो प्रतियोगिताको पहिलो पुनरावृत्ति हुनेछ, जहाँ आयोजक देशले युद्धमा रहेको देशको टोलीलाई स्वागत गर्नेछ । गएको मे महिनाको अन्त्यतिर अमेरिकाको भिसा समस्याका कारण इरानले आफ्नो प्रशिक्षण केन्द्र एरिजोनाको टक्सनबाट मेक्सिकोमा सारेको थियो ।
गएको शुक्रवारसम्म पनि इरानी समाचार एजेन्सी फार्सले टोलीका केही प्राविधिक र प्रशासनिक सदस्यले अमेरिकी भिसा नपाएको जनाएको थियो । यसै हप्ता अमेरिकी विदेशमन्त्री मार्को रुबियोले इस्लामिक रिभोलुसनरी गार्डसँग सम्बन्धित व्यक्तिलाई इरानको प्रतिनिधिमण्डलमा समावेश गर्न नदिइने बताउनुभएको थियो ।
इरानी टोलीका केही खेलाडीले भने त्यो सैन्य संगठनसँग अनिवार्य सैन्य सेवा पूरा गरिसकेका खबरमा उल्लेख छ ।
प्रतिक्रिया