काठमाडौं, १४ वैशाख । इन्डियन प्रिमियर लिग (आईपीएल) क्रिकेटमा गुजरात टाइटन्सले चेन्नई सुपर किंग्सलाई ८ विकेटले पराजित गरेको छ । चेन्नईमा हिजो भएको खेलमा १ सय ५९ रनको लक्ष्य गुजरातले १६ ओभर ४ बलमा २ विकेट गुमाएर पूरा गरेको हो ।
चेन्नईले पहिले ब्याटिङ गर्दै २० ओभरमा ७ विकेट गुमाएर १ सय ५८ रन बनाएको थियो । गुजरातका कागिसो रबाडाले उत्कृष्ट बलिङ गर्दै ४ ओभरमा २५ रन खर्चेर ३ विकेट लिए । अर्शद खानले २ विकेट लिए । जवाफी ब्याटिङ गरेको गुजरातका साई सुदर्शनले ४६ बलमा ८७ रनको शानदार इनिङ्स खेले । उनले ७ छक्का प्रहार गरे । जोश बटलर ३९ रनमा अविजित रहे । कप्तान शुभमन गिलले ३३ रन जोडे ।
यस जितसँगै गुजरात अंक तालिकाको पाँचौँ स्थानमा उक्लिएको छ भने चेन्नई छैटौँ स्थानमा झरेको छ । हिजोको खेलमा चेन्नईको सुरुवात निकै खराब रह्यो । आईपीएल क्रिकेटमा आज बेलुकी पौने ८ बजे दिल्लीमा दिल्ली क्यापिटल्स र रोयल च्यालेन्जर्स बेङ्लुरु खेल्नेछन् ।
प्रतिक्रिया