काठमाडौं, १४ साउन । लुम्बिनी राष्ट्रिय खुल्ला पुरुष र महिला ‘रोड रेस’ दौड प्रतियोगितामा पुरुषतर्फ त्रिभुवन आर्मी क्लबका सञ्जय श्रेष्ठ र महिलातर्फ निशा सार्की प्रथम भएका छन् ।
लुम्बिनी प्रदेश खेलकुद परिषद्को आयोजनामा आज घोराहीमा भएको १० किलोमिटर दौड प्रतियोगितामा आर्मीकै नरेन्द्र सिंह रावत दोश्रो र नेपाल पुलिस क्लबका नागेश्वर अहिर तेश्रो भएका छन् ।
यस्तै महिलातर्फ एपीएफ क्लबकी दीपा परियार दोश्रो र नेपाल पुलिस क्लबकी सुमित्राकुमारी चौधरी तेश्रो भएकी छिन् । प्रतियोगितामा पहिलो, दोस्रो र तेस्रो हुने खेलाडीले क्रमशः ५० हजार, ३० हजार र २० हजार रुपैयाँ पुरस्कार प्राप्त गरेका थिए ।
प्रतिक्रिया