इलाम, ५ फागुन । प्रतिनिधि सभा निर्वाचनको माहौल चलिरहेका बेला इलामको माङसेबुङ गाउँपालिकाका उपाध्यक्ष विनोद कुमार नेम्वाङ नेकपा एमालेमा प्रवेश गर्नुभएको छ ।
जसपा नेपालका केन्द्रीय सदस्य समेत रहनुभएको नेम्वाङ २०७९ को स्थानीय तह निर्वाचनमा गाउँपालिका उपाध्यक्ष निर्वाचित हुनुभएको थियो । एमाले उम्मेदवार सुहाङ नेम्वाङको चुनावी अभियानकै क्रममा आज आयोजित कार्यक्रममा उहाँ एमाले प्रवेश गर्नुभएको हो ।
देशभक्त शक्तिलाई मजबुत बनाउन आफूहरू एमालेमा सामेल भएको उहाँको भनाइ छ । यसअघि सोमवार मात्रै माइजोगमाई गाउँपालिका वडा नम्बर ३ का नेपाली कांग्रेसबाट निर्वाचित वडाध्यक्ष राम घिमिरे एमालेमा प्रवेश गर्नुभएको थियो ।
प्रतिक्रिया