एमालेमा केपी ओलीको विकल्प खोज्ने बेला भएको छैन – नेता अर्याल

काठमाडौं, १३ मंसिर । नेकपा (एमाले)का सचिव एवम् ११औं महाधिवेशन प्रचार समितिका संयोजक पद्मा अर्यालले पार्टीको नेतृत्वमा केपी शर्मा ओलीको विकल्प नरहेको बताउनुभएको छ । ११ औं महाधिवेशन प्रचार समितिको आज पार्टी कार्यालय च्यासलमा बसेको बैठकलाई सम्बोधन गर्दै सचिव अर्ययालले नेकपा एमालेको महाधिवेशन देश र पार्टीलाई कार्यदिशा दिने महाधिवेशन भएकोले अहिले अध्ययक्षमा ओलीको विकल्प नरहेको बताउनुभएको हो ।

पछिल्लो समय महाधिवेशन नजिकिँदै गर्दा पार्टीको नेतृत्वको विषयमा बहस भइरहदाँ ओलीको विकल्प ओली नै रहेको अर्यालले प्रष्ट पार्नुभएको हो । उहाँले पार्टीको महाधिवेशनले अध्यक्ष केपी शर्मा ओलीलाई नै पुनः अनुमोदित गर्ने समेत उल्लेख गर्नुभयो । मुलुकको वर्तमान सङ्कटपूर्ण राजनीतिक परिस्थितिलाई मध्यनजर गर्दै पार्टीभित्र सुदृढ एकताको आवश्यकतासमेत रहेको सचिव अर्यालले औंल्याउनुभएको छ । उहाँले सम्बद्ध सबै पार्टी संरचना,संगठन तथा कार्यकर्ताहरूलाई अझ उन्नत एकता र आन्तरिक समन्वयलाई अझ मजबुत बनाउनुपर्नेमा जोड दिनुभयो ।

पार्टीको एघारौँ राष्ट्रिय महाधिवेशनबाट अध्यक्ष केपी शर्मा ओलीको नेतृत्वमा राष्ट्रलाई सही ढङ्गले दिशा निर्देश गर्ने दावी समेत अर्यालले गनुभयो । अहिले मुलुक अभुतपूर्व संकटपूर्ण घडीबाट गुज्रिएको बताउदै अर्यालले एमालेमाथी भैरहेको चौतर्फी प्रहारको सामना गर्न , राष्ट्र र राष्ट्रियता जोगाउन तथा कोमामा रहेको संविधानलाई बचाउन एमाले अझ सुदृढ , सबल,सक्षम र एकताबद्ध हुन जरुरी रहेको बताउनु भयो । पार्टीमा सहमतिका आधारमा नेतृत्व निर्माणको औचित्य र आवश्यकता रहेको बताउदै अर्यालले केपी ओलीको अध्यक्षतामा सर्वसम्मत नेतृत्व निर्माण हुने र यसमा कसैले हुनेनहुने छललफ गर्नै नपर्ने दाबी गर्नुभयो । उहाँले पार्टी भित्र अराजनीतिक तथा अस्वस्थ अभिव्यक्ति नदिन पनि पार्टी पंक्तिलाई आग्रह गर्नुभयो ।