सुनचाँदीको मूल्यमा ठूलो गिरावट, कति छ आजको भाउ ?

काठमाडौं, २४ भदौ । नेपाली बजारमा आज सुन र चाँदीको मूल्यमा उल्लेख्य गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला ३ हजार रुपैयाँले घटेर ३ लाख २ हजार ४ सय रुपैयाँमा कारोबार भइरहेको छ ।

यसअघि मङ्गलबार सुन प्रतितोला ३ लाख ५ हजार ४ सय रुपैयाँमा कारोबार भएको थियो । त्यस्तै, चाँदीको मूल्यमा पनि गिरावट आएको छ ।

महासङ्घका अनुसार चाँदीको मूल्य प्रतितोला ४० रुपैयाँले घटेर ४ हजार ७ सय ५० रुपैयाँ कायम भएको छ। मङ्गलबार चाँदी प्रतितोला ४ हजार ७ सय ९० रुपैयाँमा खरिदबिक्री भएको थियो ।