काठमाडौं, ४ जेठ । नेपाल चलचित्र कलाकार संघको अध्यक्षमा उत्तम केसी निर्वाचित हुनुभएको छ। गएराति सार्वजनिक अन्तिम मतपरिणामअनुसार केसी २१६ मत प्राप्त गर्दै अध्यक्षमा विजयी हुनुभएका हो । उहाँका प्रतिस्पर्धी सविन श्रेष्ठले १३२ मत प्राप्त गर्नुभयो। निर्वाचनमा कुल ३५६ मत खसेको थियो ।
महिला उपाध्यक्षमा पूजना प्रधान १४४ मतसहित विजयी हुनुभएको छ । यस्तै उपाध्यक्षमा शिवहरि बैरागी १४६ मतसहित विजयी हुनुभएको छ । महासचिवमा सुनील कटवाल १९५ मतसहित विजयी भए । सचिवमा गोपाल ढकाल २१४ मत प्राप्त गर्दै विजयी हुनुभएको छ । कोषाध्यक्षमा तेजुला खतिवडा १४९ मतसहित विजयी हुँदा सहकोषाध्यक्ष पदमा पवन केसी १६१ मतसहित विजयी हुनुभएको छ । सदस्यमा इन्द्रबहादुर लामा, चन्द्रकला दाहाल, चन्द्रकला राई, छुल्ठिम गुरुङ, जीवन थापा, दमन रुपाखेती, नवीनकुमार श्रेष्ठ, रश्मि भट्ट, श्रीदेव भट्टराई र सुलेमान विजयी हुनुभएको छ ।
प्रतिक्रिया