काठमाडौं, ५ फागनु । सार्वजनिक स्थलमा वृद्धमाथि हातपात गर्ने व्यक्ति पक्राउ परेका छन् । सडकमा हिँडिरहेका वृद्धलाई कुटपिट गर्ने कार चालकलाई ट्राफिक प्रहरीले पक्राउ गरेको हो । पक्राउ पर्नेमा बुढानिलकण्ठ नगरपालिका–३ बस्ने ४२ वर्षीय कार चालक पारस बम रहेका छन् ।
बमले महाराजगन्जस्थित सडकमा हिँडिरहेका वृद्धलाई कारबाट ओर्लेर झापड हानेका थिए । वृद्धमाथि कुटपिट गरेको भिडिओ भाइरल भएपछि प्रहरीले छानविन अघि बढाएको थियो । सोही क्रममा बालुवाटारबाट कार चालक बमलाई नियन्त्रणमा लिएको ट्राफिक प्रहरीले जनाएको छ ।
अहिले बमलाई जिल्ला प्रहरी परिसर काठमाडौंमा बुझाइएको छ । बमले ती वृद्धलाई किन कुटपिट गरे भन्ने कारण खुलिनसकेको प्रहरी बताएको छ । कारबाट अर्की एक जना महिला पनि बाहिर निस्किएकी थिइन्, उनि आफ्नो बहिनीसँग हिँडेको बमले बताएको छन् ।
आज दिउँसो बीच सडकमा बा ३ च ११०३ नम्बरको कारबाट ओर्लेर ती वृद्धलाई कुटपिट, गालीगलौज गरिएका भिडियो भाइरल भएको थियो ।
प्रतिक्रिया