अष्टलक्ष्मी शाक्यमाथि ‘अपमान’ को दाबी: कवयित्री मिना श्रेष्ठको कविताले उठायो राजनीतिक बहस

काठमाडौं२४, मंसिर ।  कवयित्री मिना श्रेष्ठले हाल सार्वजनिक गरिएको कवितामार्फत एमाले अध्यक्ष केपी शर्मा ओलीले महिला नेतृहरूलाई ‘अपमान’ गरेको भनी उठाइएको आरोपको आलोचना गरेकी छिन्। “अष्टलक्ष्मी आमै अपमान कहाँ भो?” शीर्षकको उक्त कवितामा उनले विभिन्न उच्च पदहरूमा महिलालाई नियुक्त गरिएको ऐतिहासिक घटनाको स्मरण गर्दै, यस्ता निर्णयहरू वास्तवमा महिलाको सम्मान थिए कि अपमान? भन्ने प्रश्न उठाएकी छिन्।

कवितामा उनले मुलघरमा भएको भेट, सामाजिक आरोप–प्रत्यारोप, तथा ‘ओलीले महिलाको अपमान गरे’ भन्ने बुझाइबारे आत्ममन्थन गर्दै देशको राजनीतिक इतिहासका महत्वपूर्ण पदहरूमा महिलाको सहभागिताको चर्चा गरेकी छन्।

श्रेष्ठले कवितामा ओलीले देशको पहिलो महिला रक्षा मन्त्री, पहिलो महिला प्रधानन्यायाधीश, पहिलो महिला राष्ट्रपति, पहिलो महिला मुख्य सचिव, र पहिलो महिला प्रदेश मुख्यमन्त्री (अष्टलक्ष्मी शाक्य) बनाएको प्रसंग उल्लेख गर्दै, यसलाई अपमान होइन, ऐतिहासिक सम्मानका रूपमा चित्रित गरेकी छन्।

उनका अनुसार, “सस्तो लोकप्रियताको नाममा गरिएको अपमानको डंका” को आरोप वास्तविकतासँग मेल नखाने भन्दै कविताले सामाजिक–राजनीतिक बहसलाई व्यंग्य र प्रश्न दुवै शैलीमा अभिव्यक्त गर्छ।

कविताको अन्त्यतिर श्रेष्ठ लेख्छिन्, आफू पनि महिला भएकाले ‘सम्मान र अपमान छुट्याउन सक्षम’ भएको बताउँदै शाक्यप्रति गरिएको ‘अपमानको दाबी’ स्वयं महिलाको सम्मानमाथि नै उल्टो प्रहार जस्तो लागेको उल्लेख गरेकी छन्।

यो कविता राजनीतिक विवादको बीचमा सार्वजनिक भएकोले सामाजिक सञ्जालमा विभिन्न प्रतिक्रिया देखिइरहेका छन्।