नीतिमा दृढता र नेतृत्वमा एकता अत्यावश्यक छ – शंकर पोखरेल

काठमाडौं, १३ मंसिर। नेकपा एमालेका महासचिव शंकर पोखरेलले राष्ट्रवादी शक्तिमाथि प्रहार जारी रहेको बताउनुभएको छ ।शनिबार बिहान सामाजिक सञ्जालमार्फत उहाँले मुलुक संकटमा भएको अवस्थामा नीतिमा दृढता र नेतृत्वमा एकता अत्यावश्यक भएको बताउनुभएको हो । उहाँले एकताबद्ध भएर अगाडि बढ्दा संकट पार लाग्ने बताउनुभयो । ‘मुलुक संकटमा छ, राष्ट्रवादी शक्तिमाथि प्रहार जारी छ,’ महासचिव पोखरेलले भन्नुभयो, ‘यस्तो अवस्थामा नीतिमा दृढता र नेतृत्वमा एकता अत्यावश्यक छ । अघि बढौं– सम्भव छ ।’ नेकपा एमालेको ११औं राष्ट्रिय महाधिवेशन मंसिर २७–२९ गते हुँदैछ । महाधिवेशनका लागि आज एकैदिन देशभरि प्रतिनिधि चयन हुँदैछन् । एमालेले सकेसम्म सर्वसम्मत र सहमति हुन नसकेका स्थानमा मतदानमार्फत प्रतिनिधि चयन गर्दैछ ।