दुर्गा प्रसाईलाई २४ घण्टाभित्र उपस्थित गराउन सर्वोच्च अदालतको आदेश

काठमाडौं, ४ मंसिर । सर्वोच्च अदालतले नागरिक बचाउ अभियान नेपालका संयोजक दुर्गा प्रसाईलाई २४ घण्टाभित्र उपस्थित गराउन आदेश दिएको छ।प्रसाईका छोरा निराजन प्रसाईले दायर गरेको बन्दी प्रत्यक्षीकरण रिटमा न्यायाधीश मेघराज पोखरेलको इजलासले बिहीबार कारण देखाउसहित प्रतिवादीलाई उपस्थिति गराउन आदेश दिएको हो। आन्दोलनको तयारीमा रहेका प्रसाईलाई अराजक अभिव्यक्ति दिएको भन्दै प्रहरीले सोमबार मध्यराति भक्तपुरस्थित घरबाट पक्राउ गरेको थियो।प्रसाईलाई ४ दिनको म्याद थप गरी हिरासतमा राखिएको छ।