काठमाडौं । नेपाल इन्भेष्टमेन्ट मेगा बैंक लिमिटेडको चालु आर्थिक वर्ष २०८२/८३ को पहिलो त्रैमासमा नाफा भारी गिरावट आएको छ। बैंकको त्रैमासिक वित्तीय विवरण अनुसार, तीन महिनामा बैंकको नाफा साढे ४ करोड रुपैयाँमा सिमित भएको छ।
गत आवको सोही अवधिमा बैंकको नाफा १ अर्ब ४६ करोड ४० लाख ७५ हजार रुपैयाँ थियो। यस आधारमा बैंकको नाफा ९६.९२ प्रतिशतले घटेको हो।
समीक्षा अवधिमा बैंकको सञ्चालन मुनाफा र खुद ब्याज आम्दानी पनि घटेको छ। असोज मसान्तसम्म बैंकको सञ्चालन मुनाफा १५ करोड २ लाख रुपैयाँ र खुद ब्याज आम्दानी ३ अर्ब २४ करोड ३१ लाख २५ हजार रुपैयाँ रहेको छ।
गत आवको सोही अवधिमा बैंकको सञ्चालन मुनाफा २ अर्ब ९ करोड ४१ लाख र खुद ब्याज आम्दानी ३ अर्ब ८७ करोड ६७ लाख रहेको थियो।
यस अवधिमा बैंकको वितरणयोग्य मुनाफा पनि ऋणात्मक १ अर्ब १६ करोड ९४ लाख रुपैयाँ रहेको छ। खराब कर्जा (NPL) ५.८२ प्रतिशतबाट बढेर ६.६३ प्रतिशत पुगेको छ।
बैंकको प्रतिशेयर आम्दानी (EPS) १७.१६ रुपैयाँबाट घटेर ०.५३ रुपैयाँ मा झरेको छ भने प्रतिशेयर नेटवर्थ १९६ रुपैयाँ कायम छ।
समीक्षा अवधिमा बैंकको चुक्ता पूँजी ३४ अर्ब १२ करोड ८५ लाख रुपैयाँ रहेको छ। बैंकको जगेडा कोष ऋणात्मक १ अर्ब १६ करोड रुपैयाँ रहेको विवरणमा उल्लेख छ।
प्रतिक्रिया