गृहमन्त्रीले अमेरिका भागेका भनेका दीपक खड्का जलेको घरमै सार्वजनिक

काठमाडौं, ३ कात्तिक । गृहमन्त्री ओमप्रकाश अर्यालले अमेरिका भागेका भनेका नेपाली कांग्रेसका नेता तथा पूर्वमन्त्री दीपक खड्का आफ्नो जलेको घरमा सार्वजनिक भएका छन् । खड्का अहिले आफ्नो बुढानीलकण्ठमा रहेको आन्दोलनकारीले जलाएको घरमा पत्रकारहरुसँग अन्तरक्रिया गरिरहेका छन् ।

यसअघि गृहमन्त्री अर्यालले सरकारले सम्पत्ति छानबिन सुरु गरेपछि खड्का भागेको दाबी गरेका थिए । गृहमन्त्री अर्यालले एक अन्तरवार्तामा भनेका थिए, ‘तत्कालीन ऊर्जामन्त्री (दीपक खड्का) भागिसके, अरू पनि भाग्न खोज्दै छन्, उनीहरूलाई भाग्नबाट रोक्नेसम्बन्धी प्रावधान छ कि भनेर अध्ययन गरिरहेका छौँ ।’