वृद्धभत्ताभन्दा पनि ठूलो आवश्यकता सामाजिक सञ्जाल हो : दुर्गा प्रसाईं

काठमाडौँ, २० भदौ ।  मेडिकल व्यवसायी दुर्गा प्रसाईंले ७० वर्ष नाघेका बुबाआमालाई वृद्धभत्ताभन्दा पनि ठूलो आवश्यकता सामाजिक सञ्जाल भएको बताउनुभयो। शुक्रबार सामाजिक सञ्जालमा लेख्दै उनले यस्तो बताउनु भएको हो । उहाँले परिवार टाढा भए पनि सामाजिक सञ्जालले भावनात्मक सम्बन्ध कायम राखेको बताउनुभयो।

प्रसाईंले विदेशिएका छोराछोरी, नातिनातिनीसँग अनुहार हेरेर खुसी साटासाट गर्ने एक मात्र बाटो बनेको सामाजिक सञ्जाललाई सरकारले बन्द गर्नु भनेको जघन्य अपराध सरह भएको बताउनुभयो ।

‘आज ७० वर्ष नाघेका बुबाआमालाई वृद्धभत्ताभन्दा पनि ठूलो आवश्यकता सामाजिक सञ्जाल हो। परिवार टाढा भए पनि यही माध्यमले भावनात्मक सम्बन्ध कायम राखेको छ। विदेशिएका छोराछोरी, नातिनातिनीसँग अनुहार हेरेर खुसी साटासाट गर्ने एक मात्र बाटो बनेको छ सामाजिक सञ्जाल,’ उनले भने, ‘त्यही सञ्जाल बन्द गर्नु भनेको जघन्य अपराध सरह हो।’