प्रचण्डलाई प्रधानमन्त्री ओलीको जवाफ– फ्लडलाइट र प्यारापिट हेर्न कीर्तिपुर जानुस्

काठमाडौं, ३० असार । प्रधानमन्त्री केपी शर्मा ओलीले विपक्षी दल नेकपा माओवादी केन्द्रका अध्यक्ष पुष्पकमल दाहाल प्रचण्डलाई फ्लडलाइट र प्यारापिट हेर्न कीर्तिपुर जान सुझाव दिनुभएको छ । प्रचण्डले ३०० दिनमा पनि कीर्तिपुर क्रिकेट रंगशाला सम्पन्न नभएपछि प्रधानमन्त्रीलाई प्रश्न गर्नुभएको थियो, कीर्तिपुरको मैदानमा खोई फ्लडलाइट ?खोई प्यारापिट ? सोही प्रश्नको जवाफ दिँदै प्रधानमन्त्रीले भन्नुभयो , मेरो उहाँलाई आग्रह छ, बनिरहेको प्यारापिट हेर्न जानुस्, जडान हुँदै गरेको फ्लडलाइटका पोल हेर्न जानुस्।

बनिरहेको छ। प्रधानमन्त्री ओलीले सरकारको कामबारे तथ्यतथ्यांक राखेर प्रधानमन्त्रीको रूपमा कुनै जवाफ दिन नपरेको भन्दै उल्टै प्रचण्डलाई प्रश्न गर्नुभएको छ । तपाईं प्रधानमन्त्री हुँदा कुनै पनि कामलाई टाइमलाइन तोकेर गर्छु भन्नु भएन र तपाईंले केही गर्नु पनि परेन र गर्नु पनि भएन। सरकारको कामबारे तथ्यतथ्यांक राखेर तपाईंले प्रधानमन्त्रीको रुपमा जवाफ पनि दिनु परेन। तपाईंका त न कुनै वाचा, न कुनै निर्णय, न कुनै संकल्प, न कुनै काम। मैले त दिन तोकेर गर्छु भनें, आफैंमाथि प्रश्न आह्वान गरें र काम पनि गरें।प्रचण्डले जर्जर छोडेको अर्थतन्त्र अहिले धेरै माथि पुगेको र तथ्यांकमा हेर्न पनि प्रधानमन्त्री ओलीले सुझाव दिनुभएको छ ।