रियलले जितका साथ ला लिगाको अन्त्य गर्यो

एजेन्सी ११ जेठ । रियल म्याड्रिडले जितका साथ यो सिजन ला लिगाको अन्त्य गरेको छ।

रियल सोसिडाडलाई शनिवार २–० ले हराउँदै रियलले ला लिगामा सुखद अन्त्य गरेको हो । टोलीका लागि दुबै गोल किलियन एम्बाप्पेले गरे ‌।

एमबाप्पेले ३१ गोल गर्दै ला लिगाको समाप्त गरे। रियलका प्रशिक्षक कार्लो एन्चेलोट्टी र कप्तान लुका मोड्रिचको यो बिदाइ खेल पनि थियो।

खेलको नतिजा अर्थपूर्ण थिएन । किनभने बार्सिलोना पहिले नै ला लिगा च्याम्पियन भइसकेको थियो । रियल दोस्रो हुँदै सिजनको यात्रा सकायो ।

एम्बाप्पेको रियलमा पहिलो सिजनको सुरुवार केहि सुस्त थियो । यद्दपी उनले अन्तिम ६ लिग खेलमा ११ गोल गर्दै सानदार प्रदर्शन गरे। उनी ला लिगाका सर्वाधिक गोलकर्ता बन्ने निश्चित प्रायः छ।

उनी बार्सिलोनाका रोबर्ट लेवान्डोस्कीभन्दा ६ गोलले अघि छन् । बार्सिलोनाले आइतवार एथ्लेटिक क्लबसँग सिजनको अन्तिम खेल खेल्दैछ।

अन्य खेलमा लेगानेसले भालाडोलिडलाई ३(० ले, इस्पान्योलले लास पालमासलाई २(० ले हरायो भने रियल बेटिस र भ्यालेन्सियाले १(१ को बराबरी खेलेका छन्।

फ्रान्सेली स्ट्राइकरले ३८औं मिनेटमा पहिलो गोल गरे । उनको पहिलो पेनाल्टी प्रहार रोकेपनि रिबाउन्डमा गोल गरे। दोस्रो गोल उनले खेल सकिन ७ मिनेट बाँकी रहँदा गरे।